ಪರಿಧಿ
ನಿನ್ನ ಪರಿಧಿಯ
ದಾಟದಿರು
ರಾಮನ ನೆರಳಾಗೇ
ಇರು
ದಾಟಿದರೆ
ಸಾಧನೆಯ
ವಾಂಛಿಸಿದರೇ
ರಾವಣ
ಕದ್ದೊಯ್ಯುವ
ಲಕ್ಷ್ಮಣ
ನಿಂತು ನೋಡುವ
ಜನ ಹಂಗಿಸಿ
ಕೇಕೆ ಹಾಕುವರು
ರಾಮ
ಕಾಡಿಗಟ್ಟುವ
ಪರಿಧಿಯ
ದಾಟದೆ
ನೆರಳಾಗೇ
ಇರು
ಹೂಗಳು
ಬಾಲ್ಕನಿಯ ಹೂಗಳು ಬಟ್ಟೆಯ ಕ್ಲಿಪ್ಪುಗಳು ಅಮ್ಮನ, ಅಪ್ಪನ, ಅಕ್ಕನ ಬಣ್ಣಬಣ್ಣದ ಅಂಗಿ, ಲುಂಗಿ, ಕಾಚಗಳು ಒರೆಸಿ ಒರೆಸಿ ಕರಕಲಾದ ಮೋಪುಗಳು. ಸತ್ತೇ ಹೋಗುತ್ತೇನೆಂದು ಧಮಕಿ ಹಾಕುತ್ತಿರುವ ಚಿರಿರಿ ಎನ್ನುವ ತುಳಸಿ ಪ್ರಕೃತಿಯೋ , ಅದು ನಮಗೆ ನಸೀಬವಿಲ್ಲ ಬಿಡಿ.
Comments
Post a Comment